ຣັດເຊຍ ນຳເຮືອດຳນ້ຳລຳໃໝ່ລຸ້ນ Lada B-586 kronshtadt ເຂົ້າປະຈຳການ
ສຳນັກຂ່າວຕາສ ລາຍງານເມື່ອບໍ່ດົນມານີ້ວ່າ: ກອງທັບຣັດເຊຍ ໄດ້ນຳເຮືອດຳນ້ຳໂຈມຕີລຸ້ນ Lada B-586 kronshtadt ເຂົ້າ
ປະຈຳການໃນກອງທັບ ໃນວັນທີ 31 ມັງກອນ 2024, ໂດຍເຮືອລຸ້ນນີ້ ເປັນເຮືອທີ່ຂັບເຄື່ອນດ້ວຍພະລັງງານນໍ້າມັນກາຊວນ-ໄຟຟ້າ
ເຊິ່ງອອກແບບ ແລະ ສ້າງໂດຍອູ່ຕໍ່ເຮືອ Admiralty Shipyards ເຊິ່ງເປັນເຮືອດຳນ້ຳລຳທີ 2 ຂອງເຮືອຕະກຸນ Lada, ລຳທີ 1 ແມ່ນ
B-585 Sankt Peterburg ຖືກນຳເຂົ້າປະຈຳການໃນກອງທັບເຮືອຣັດເຊຍ ທີ່ຕັ້ງຢູ່ເຂດພາກເໜືອຂອງປະເທດ.
ເຮືອດຳນ້ຳ B-586 ໄດ້ຮັບການຜະລິດ ແລະ ພັດທະນາ ໂດຍສຳນັກງານອອກແບບກາງດ້ານວິທະຍາສາດທາງທະເລ Rubin
ສ້າງຂຶ້ນມາເພື່ອນຳມາທົດແທນເຮືອດຳນໍ້າລຸ້ນເກົ່າເຊັ່ນ: ໂຄງການ 613, ໂຄງການ 641 ທີ່ປະຈຳການໃນທະເລບານຕິກ ແລະ ທະເລ
ດຳເປັນຫຼັກ. ຕາມແຜນການຈະມີການຜະລິດເຮືອດຳນ້ຳລຸ້ນດັ່ງກ່າວຈຳນວນ 20 ລຳ ເພື່ອຮັບໃຊ້ເຂົ້າໃນກອງທັບຣັດເຊຍ ແລະ ມີ
ຄວາມຫວັງຈະຜະລິດອອກສູ່ຕະຫຼາດໂລກໃນອະນາຄົດ.
ເຮືອດຳນ້ຳລຸ້ນ Lada B-586 kronshtadt ຖືກອອກແບບມາໃຫ້ມີຄວາມສາມາດທີ່ຫຼາກຫຼາຍ ແລະ ທັນສະໃໝ, ເມື່ອ
ທຽບກັບເຮືອດຳນ້ຳລຸ້ນເກົ່າທີ່ປະຈຳການໃນກອງທັບຣັດເຊຍ, ໂຄງສ້າງຂອງເຮືອແມ່ນຜະລິດດ້ວຍເຫຼັກກ້າ, ແຜ່ນເຫຼັກຂອງເຮືອສາ
ມາດຕ້ານທານກັບສຽງສະທ້ອນໄດ້, ຕິດຕັ້ງໝໍ້ໄຟຟ້າ synchronous ລຸ້ນໃໝ່, ຕິດຕັ້ງລະບົບອຳນວຍຄວາມສະດວກແບບອັດຕະ
ໂນ ມັດລຸ້ນ Litiy, ຕິດຕັ້ງລະບົບກ້ອງບັນທຶກລຸ້ນ optronic ແລະ ລະບົບສື່ສານທີ່ທັນສະໄໝລຸ້ນ Distantsiya.
ແຫຼ່ງທີ່ມາ: ໜັງສືພິມກອງທັບ
ວັນທີ 09/02/2024